Жетісай ауданының әкімі Серік Үсенұлы Мамытов бекітілген жұмыс жоспарына сәйкес ауданда құрылысы жүргізіліп жатқан бірқатар нысандарда болып, зерделеу жұмыстарын жүргізді. Мердігер мекеме өкілдерімен және инвесторлармен тілдесіп, өндірістік кестеге сәйкес жұмысты дер кезінде аяқтауды тапсырды.
Аудан басшысы алдымен Жетісай қаласының аумағын ұлғайтуға бөлінген 80 га аумақтағы көппәтерлі тұрғын үйлерде болды. Ондағы атқарылған жұмыстарды көріп, сапасын тексерді. Орын алған кемшіліктер бойынша жауапты сала басшылары мен мердігерлерге нақты тапсырмалар беріп, қысқа мерзім ішінде қалпына келтіруді тапсырды.
Сонан соң Серік Үсенұлы ҚР Ұлттық Қауіпсіздік комитеті шекара қызметі Түркістан облысы департаментінің Мақтаарал ауданы бойынша шекара басқармасының «Жаңа ауыл» шекара бөлімшесіне барды. Бұған дейін жылыту маусымынада 150-160 тонна көмір жағып, күл шығарып келген шекарашыларға жаңадан орнатылып жатқан табиғи газбен жылытылатын қазандықтарды орнату, жылу жүйесіне жүргізілген жөндеу жұмыстарын көрді. Қажеттіліктерін тыңдап, ұсыныс-пікірлерін назарда ұстайтынын жеткізді.
Әлеуметтік нысандарды аралау барысында аудан әкімі мемлекеттен бөлінген қыруар қаржыға кірпіші қаланғанымен, қолданысқа берілмей жатып қабырғасы қақырап, шатырынан су сорғалап тұрған Жетісай қаласындағы 1500 орындық мектепте болды. Мердігердің жауапсыздығы мен құрылыс сапасының төмендігінен мектептің жертөлесіне су жиналып, қабырғалары шөккен. Бұған дейінгі анықталған кемшіліктер бойынша жасалған ескертулердің ешбірі қалпына келтірілмеген. Мектеп құрылысының сапасы мен анықталған кемшіліктер, мердігер мекеме басшыларының жауапсыздығы бойынша тиісті органдарға хат жазуды жауапты сала басшыларына міндеттеген Серік Үсенұлы мектептің қабылдауға әлі дайын емес екенін айтты.
Сонымен қатар, ауданға инвестиция тарту арқылы өңдеу кәсіпорындарын салу, кәсіпкерлікті дамыту, жұмыссыздық деңгейін төмендеу мақсатында салынып жатқан өндірістік парк пен индустриялды аймақтардың құрылысын көріп, кәсіпкерлермен тілдесті. Құрылыс сапасы мен азаматтардың өмір қауіпсіздігіне баса назар аудару керектігін ескертті. Инвесторлар тарапынан айтылған инфрақұрылым мәселелерін қысқа мерзімде шешіп беруге уәде етті.
Жетісай ауданындағы құрылыс жұмыстарын бақылау және әлеуметтік нысандардың сапасын тексеру, аудан әкімінің басты назарында болатын маңызды мәселелердің бірі болып табылады. Әкімнің зерделеу жұмыстары барысында анықталған кемшіліктер, әсіресе құрылыс сапасының төмендігі мен жауапсыз мердігерлердің әрекеттері, ауданның болашағы үшін өте маңызды мәселелерді көрсетіп отыр. Әлеуметтік нысандардың сапалы әрі қауіпсіз болуы – тұрғындардың өмір сапасын жақсарту мен қоғамның дамуында шешуші рөл атқарады. Мектептің құрылысындағы кемшіліктер мен сапасыз жұмыс, тек сол аймақ тұрғындарының ғана емес, жалпы мемлекеттік құрылыс жүйесінің тиімділігін де сұрақ астына алады.
Серік Үсенұлының мердігерлермен ашық сөйлесіп, олардың жауапсыздығын қатаң бақылауға алу туралы тапсырмалары ауданның құрылыс саласын жақсартуға бағытталған маңызды қадам болып табылады. Ол тек белгілі бір нысандардың құрылыс сапасын тексеріп қана қоймай, сонымен қатар, әрбір саланың жұмысы мен оған жұмсалатын бюджет қаржысын тиімді пайдалануға зор мән береді. Құрылыс саласындағы сапа мәселелерін шешу, аудандағы әлеуметтік-экономикалық жағдайды да жақсартуға ықпал ететінін ескерсек, бұл әрекеттердің маңызы зор.
Әлеуметтік нысандар мен өндірістік аймақтар құрылысының сапасын бақылау, инвестиция тарту және кәсіпкерлікті дамыту – бұл ауданның экономикасын өркендетуге мүмкіндік беретін кешенді шаралар. Сонымен қатар, инфрақұрылым мәселелерінің шешілуі, әсіресе газбен жылытылатын қазандықтар мен жылыту жүйелерінің жаңартылуы сияқты бастамалар, аудандағы тұрғындардың өмір сүру сапасын айтарлықтай арттыруға ықпал етеді. Инвесторлармен кездесулер мен олардың пікірлерін тыңдау, қажеттіліктеріне жауап беру, инвестициялық жобалардың жүзеге асырылуына ықпал ету – ауданның дамуына оң әсер етеді. Алдағы уақытта атқарушы органдар мен мердігерлер арасындағы қарым-қатынастарды реттеу, құрылыс сапасын бақылау мен оған қойылатын талаптарды күшейту, Жетісай ауданындағы әлеуметтік-экономикалық ахуалды одан әрі жақсартуға септігін тигізеді.
