Жетісай ауданының әкімі Серік Үсенұлы Мамытов «AMANAT» партиясы Жетісай аудандық филиалының ғимаратында аудан тұрғындарына қоғамдық қабылдау өткізіп, жеке және қоғамдық мәселелердің шешілуіне ықпал етті.
Аталмыш қабылдауға аудан әкімінің орынбасарларымен қатар аудандық мәслихат төрағасы Медет Қасымов пен «AMANAT» партиясы Жетісай аудандық филиалының төрағасы Асқар Қайназаров, аудан прокурорының орынбасары Ырысбек Намазов пен аудандық полиция бөлімі басшысының орынбасары Мейірхан Құрбанбаев, дербес бөлімдер мен денсаулық сақтау мекемелері, білім бөлімі басшылары, бірнеше әкімдер қатысты.
Алдын ала қабылдауға жазылып келген тұрғындардың басым бөлігі тұрғын үй алу және оның кезегі, елді мекендердегі көшежарықшамдары мен ауыз су, газдандыру, елді мекен ішіндегі тік дренажды ұңғымаларды іске қосу, ауданның құрметті азаматы атағын алу мен көшеге ат беру, әлеуметтік көмек алу, санитарлық тазалық секілді мәселелер бойынша өтініштерін айтты.
Сала мамандары тарапынан айтылған өтініштер мен ұсыныстар бойынша заң аясында кеңестер беріліп, мәселені шешу жолдары ұсынылды. Тұрғын үй алу және оның кезегі заңға сәйкес берілетіні, елді мекендерді ауыз сумен және табиғи газбен қамтамасыз ету, жарықтандыру мен жол салу жұмыстары бюджеттің мүмкіндігіне қарай кезең-кезеңімен жүзеге асырылатыны, елді мекен ішіндегі тік дренажды ұңғымалардың қажеттілігіне қарай іске қосылатыны, құрметті азамат атағы мен көше атауларын өзгерту жұмыстары арнайы комиссия шешімімен берілетіні түсіндірілді. Ал, санитарлық тазалықты сақтауға тек мемлекеттік және квазимемлекеттік мекеме қызметкерлері ғана емес, жергілікті тұрғындар да тұрақты түрде атсалысуы керектігі айтылды.
Қоғамдық қабылдау барысында Серік Үсенұлы айтылған өтініштердің орындалуы бойынша жауапты сала басшыларына арнайы тапсырмалар беріп, мүмкіндігінше заң аясында қанағаттандыруды тапсырды.
Тұрғындардың талап-тілектерін тыңдап, олардың мәселелерін шешуге бағытталған іс-шаралардың маңызы зор. Аудан әкімі Серік Үсенұлы Мамытовтың қоғамдық қабылдауы барысында тұрғындардың көкейінде жүрген мәселелер, әсіресе инфрақұрылымдық жұмыстар мен әлеуметтік көмек алу жайы қозғалуы, жергілікті әкімдіктің жұмысын ашық әрі нәтижелі ету жолында маңызды қадам болып табылады. Қоғамдық қабылдаулар тұрғындардың өз мәселелерін дер кезінде шешуге мүмкіндік алып, сондай-ақ, мемлекеттік органдардың халыққа жақын болуына әсер етеді.
Әкімдіктің инфрақұрылым мен тұрғын үй мәселелері туралы берген түсініктемелері мен жоспарлары тұрғындардың күткен үміттерін ақтауға бағытталғанын көрсетеді. Ауылдық жерлерде ауыз су мен табиғи газбен қамтамасыз ету, жарықтандыру және жол салу мәселелері, сондай-ақ тік дренажды ұңғымаларды іске қосу – бұл тұрғындардың күнделікті өмірін жақсартуға тікелей ықпал етеді. Осындай сұрақтар жергілікті тұрғындардың әл-ауқатын арттырудың негізгі негізі болып табылады.
Сондай-ақ, тұрғындардың санитарлық тазалық пен көше атауларын өзгерту туралы ұсыныстары мен сұрақтары да қоғамдық қабылдауда маңызды орын алды. Қоғамдық ортада тазалық мәселелері әрқашан көкейтесті болып қала береді, сондықтан бұл бағыттағы жұмыстарға барлық деңгейдегі азаматтардың қатысуы қажет. Әкімнің мұндай мәселелерді шешу үшін нақты тапсырмалар беріп, заң аясында әрекет етуге үндегені ауданның болашағы үшін маңызды әрі тиімді қадам болып табылады. Бұл қабылдау арқылы аудан әкімі мен оның орынбасарлары тұрғындардың жай-күйіне көңіл бөлетінін көрсетіп, әкімдіктің жұмысын тиімді әрі нәтижелі ету мақсатында тағы бір қадам жасады. Қоғамдық қабылдаулардың тұрақты түрде өткізілуі халықтың билікке деген сенімін арттырады және ауданның әлеуметтік-экономикалық дамуына оң әсерін тигізеді.
