Басты жаңалықтар

Қазақстандық оқушы әлемді мойындатты

Қазақстандық оқушы халықаралық олимпиадада күміс жүлдеге ие болды, – деп хабарлайды  Azatmedia.kz ақпараттық порталы ҚР Білім және ғылым министрлігінің сайтына сілтеме жасап.

Қазақстанның құрама командасы информатика бойынша халықаралық  олимпиадаға (International Olympiad in Informatics – IOI 2020) қатысқан болатын. IOI 2020 нәтижелері бойынша Өскемен қаласы «Білім-инновация» мамандандырылған лицейінің түлегі Байболов Темірлан күміс медаль жеңіп алған.

Биыл жарысқа 80-нен астам елдің оқушылары қатысты. Қазақстандық команданың құрамына информатика пәні бойынша республикалық олимпиада және іріктеу турының нәтижелері бойынша жеңімпаз атанған 4 оқушы кірді.

Информатика бойынша халықаралық дода аясындағы интеллектуалды біріншілікте бүкіл әлемнің жас программистері жиналатынын айта кеткен жөн. Аталған олимпиада күллі әлем бойынша ақпараттық технологиялар саласында жақсы көрсеткіштерге қол жеткізген дарынды оқушыларды анықтау және қолдау мақсатында ұйымдастырылған.

Қатысты жаңалықтар

Асхат Аймағамбетов жағымды жаңалықпен бөлісті

azatmedia

Қазақстанда балабақшалар әзірге ашылмайды

azatmedia

Сәтбаевта 5 жастағы қызды зорлаған педофил түрмеде асылып өлді

azatmedia

Пікір қалдыру