Бүгін, Қазығұрт ауданында облыстық қоғамдық даму басқармасы «Жастар ресурстық орталығы» КММ-нің ұйымдастыруымен жастар арасында ұлттық мәдениет пен салт-дәстүр, әдет-ғұрыптың тәрбиелік мәні туралы дәріптеу, жастардың бойында ұлттық құндылықтар мен рухани адамгершілік, имандылық қасиеттерді дамыту мақсатында «Ауылдағы бір күнім» атты облыстық реалити шоу сайысы басталды.
Шараға , Қазығұрт аудандық ішкі саясат бөлімінің басшысы Көшкінбай Аян Таубайұлы және Қазығұрт аудандық мәслихатының депутаты Молдасапаров Айбек Мықтыбайұлы, Түркістан облысы қоғамдық даму басқармасы “Жастар ресурстық орталығы” КММ-нің басшысы Ернар Нұралыұлы қатысып, барша командаларға сәттілік тіледі.
Заман өзгерсе де ұлттық салт-дәстүріміздің көнермейтіндігін еске сала отырып, ұлттық мұраны қайта жаңғырту жолында жастарымызды халқымыздың ұлттық салт-дәстүрлер құндылықтарымен терең таныстырып, оның тарихын баяндай отырып, жан-жақты дамыған, ой-өрісі кең, мәдениетті тұлға қалыптастыру мақсатында облысымызда дәстүрлі түрде ұйымдастырылуда, – деді Ернар Нұралыұлы.
Байқауда қатысушылар төрт кезең бойынша бақ сынайды.
Атап айтқанда:
I кезең. Ұлдар: Ләңгі тебу, садақ ату;Қыздар: Ұлттық тағамдар әзірлеу.
II кезең. Ұлдар: Арқан тартыс;Қыздар: Құрт әзірлеу.
III кезең. Командалық салт-дәстүр сұрақ-жауап.
Аталған байқауға облысымыздың аудан, қалаларынан 13 команда қатысып, бақ сынауда.
