ҚР Президенті Қасым-Жомарт Тоқаевтың коронавирус инфекциясының екінші толқынына дайындық жайлы отырыста берген тапсырмасына сәйкес, осы аптаның соңына дейін 182 медицина қызметкерінің отбасына 10 миллион теңгеден әлеуметтік өтемақы төленеді, – деп хабарлайды Azatmedia.kz ақпараттық порталы.
Бұл туралы ҚР Денсаулық сақтау министрлігінің ресми сайтында жарияланды. Ауырған және қайтыс болған медицина қызметкерлеріне бір реттік әлеуметтік төлемді қарау және беру рәсімдерін жеңілдету үшін Денсаулық сақтау министрлігі Еңбек және халықты әлеуметтік қорғау министрлігі бірлесе отырып 2020 жылғы 10 қазандағы Бірлескен бұйрыққа өзгерістер мен толықтырулар енгізген.
Айта кету керек, аталған өтемақы КВИ мен пневмониядан қайтыс болған медицина қызметкерлерінің отбасына беріледі.
