«СтопОтлов» еріктілер қозғалысының мүшелері Нұр-Сұлтан қаласындағы жануарларды ұстау изоляторындағы 4 иттің зорланғаны жайында жазды, – деп хабарлайды Azatmedia.kz ақпараттық порталы.
«Біз мұндай жағдаймен бетпе-бет келеміз деп ешқашан ойламаппыз. 6 қыркүйек күні фондымыздың 1 еріктісі Ақсүмбе көшесінде орналасқан иттер мен мысықтарды ұстау изоляторында жыныс мүшелерінде жарақаты бар зорланған 4 итті байқап қалады. Бірінен қатты қан аққандықтан, бірден клиникаға алып бардық. 7 қыркүйекте қалған 3 итті де клиникаға алып барып, полицияға хабар бердік. 8 қыркүйек күні 4 итке де сексуалдық сипаттағы зорлық жасалғанын дәлелдейтін медициналық сараптаманы қолға алдық» делінген қозғалыстың Instagram парақшасында.
Енді қозғалыс мүшелері істің толық зерттеліп, кінәлілердің жазалануын сұрап отыр. Сондай-ақ жазбада бұдан былай үнсіз отырмайтындарын да жеткізген.
