Мәскеу банктерінің бірінде қызметкердің сұқ саусағы брондалған сейф есігіне қысылып қалған, – деп хабарлайды Azatmedia.kz ақпараттық порталы «Комсомольская правда» газетіне сілтеме жасап.
Қызметкер сейф есігін жауып жатып сұқ саусағын қысып алған. Оқиға орын алғаннан кейін жедел жәрдем келіп, қызды ауруханаға алып кетті. Нәтижесінде травматикалық ампутация (адам денесінің мүшесін бүтіндей немесе бір бөлігін кесіп алу) диагнозы қойылды. Қыз ауруханада жатыр.
Қызметкердің орын алған жағдай туралы сұхбат беруге мұршасы жоқ. Полиция істің мән-жайын тексеріп жатыр.
