AzatMedia. Өкінішке орай бүгінде бүкіл әлемде әбігерге салған коронавирус індетінің алдын алуда кейбір азаматтар немқұрайлық танытып, бекітілген тәртіпті сақтамай жүр.
Осы ретте бүгін кезекті рет Түлкібас ауданы әкімдігі жанынан құрылған жұмысшы топ аудан аумағындағы қоғамдық орындар мен кәсіпкерлік нысандарды арнайы аралап, карантин режимінің шектеулерін түсіндірді. Шара барысында карантин режимін бұзған екі кәсіпкерге хаттама толтырылып, біршамасына ескерту берілді.
Құрметті аудан тұрғындары! Қазіргі таңда елімізде коронавирус пандемиясының өршіп тұрғаны белгілі. Осыған орай, аудан аумағындағы аудан әкімдігі тарапынан іске асып жатқан шектеулердің барлығын қатаң сақтап, өз жақындарымызға жанашыр болайық!
Жалпы, медицина мамандарының айтуынша карантин талаптарын қатаң сақтап, бірқатар ережелерді ұстану арқылы адам вирустық инфекцияның жұғуынан сақтана алады. Айтап айтқанда қолды жиі сабындап жуу, медициналық маска тағып, оны екі сағат сайын ауыстырып отыру, адам көп жиналған жерлерге бармау, жуылмаған жеміс-жидектерді, шикі сүт өнімдерін, шала піскен ет тағамдарын жемеу.
