Еліміздің солтүстік аймақтарында қытымыр аяз өз дегенін көрсетіп жатқан болса, оңтүстік өңір, атап айтқанда Келес даласына көктемнің шуағы шашылып, табиғат ана өзінің жылы желімен жергілікті тұрғындардың көңілін шат-шадыманға бөлеуде. Қысқы шілдеден аман шыққан өңіріміз, бүгінде көгалданудың көкжиегіне айналу межесін бастап жіберді. Тұңғыш Елбасымыздың Жарлығымен өз алдына дербес аудан болып құрылған Келес ауданының орталығы – Абай ауылында ағаш егу науқаны бастау алды. Аудан әкімінің өткен жылды қорытындылап, есеп беру кездесуінде халыққа айтқан сөзінде, биылғы жылы аудан орталығы сонымен қатар, ауданға қарасты 11 ауылдық округте абаттандыру жұмыстары жанданатындығын жеткізген болатын. Айналаны абаттандыру – белгілі бір құрылыстық ғимараттың аумағын,айналасын эстетикалық және практикалықталғамдарға сәйкес көркейту, жайландыру болыптабылғанымен, көгалдандыру жұмыстары абаттанудың басты айғағы болып табылады. Осы мақсатта бүгін, Абай ауылының орталық көшелері, атап айтсақ, Т.Рысқұлов және Д.Қонаев көшелерінің бойына 500 түп можжевельник көшеті мен 500 түп плакучий тутовник көшеттері егілуде. Одан бөлек былтырғы жылы аудан орталығында орналасқан көше жиектеріне ағын су жүретін, арнайы арықтар қазылған болатын. Ағымдағы жылы ауыл билерінің ұйымдасуымен сол арық бойларына 200 түп қара тал, тұт, терек сынды ағаштардың көшеттері қондырылды. Жалпы бұдан бөлек, 2236 түп жеміс ағаштары мен қатар, ауылдың келбетіне көрік беретін көшет түрлері егілу жоспарлануда.
Санатталмаған
Келес даласы жасыл желекке бөленеді
