Түркістанда жұмыс іздеушілерге ерекше мүмкіндік ұсынылды. Жаңа өндіріс орындарының ашылуы мен экономиканың дамуы жергілікті тұрғындарға жаңа жұмыс мүмкіндіктерін беріп, олардың әлеуметтік жағдайын жақсартуға ықпал етуде. Kazakhstan Lihua ЖШС-нің өндіріс орнында өткен ашық есік күніне 100-ден астам түркістандық азамат қатысып, кәсіпорынның жұмыс барысымен жақын танысты. Бұл шараның басты мақсаты – жұмыссыз жүрген азаматтарға, сондай-ақ жұмыс орнын ауыстыруды жоспарлаған тұрғындарға нақты жұмыс көздерін көрсету, өндіріс орнын көру және кәсіби бағыт-бағдар беру.
Шараны Түркістан қалалық Мансап орталығы ұйымдастырған. Орталықтың басты міндеті – жұмысқа орналасу мәселесін шешу және жергілікті тұрғындарға қажетті кәсіптер бойынша кәсіби білім мен кеңестер беру. Негізгі мақсат – жұмыссыз жүрген азаматтарға нақты жұмыс орындарын ұсыну, кәсіпорындардың өндірістік қажеттіліктеріне сәйкес мамандарды тарту. Бұл Түркістан қаласының еңбек нарығының жетілдірілуі мен жұмыссыздықты азайтуға бағытталған маңызды қадам болып табылады.
Kazakhstan Lihua – иіру, тоқу, бояу және үй тоқыма бұйымдарын өндіруді бір арнаға тоғыстырған инновациялық өндірістік кластер. Бүгінде облыс бойынша 4 интеллектуалды мақта өңдеу желісін іске қосып үлгерген кәсіпорын жылына 6000 тонна жоғары сапалы мақта өнімін өңдеуді жоспарлап отыр. Бұл кәсіпорынның әлеуеті өте жоғары, және ол өңір экономикасының дамуына үлкен үлес қосып, жаңа жұмыс орындарын ашуға мүмкіндік береді.
Бүгінде кәсіпорнында 750-ге жуық бос жұмыс орны бар. Түркістан қалалық Мансап орталығының директоры Жангелді Аладинұлының айтуынша, кәсіпорын жұмыс күшіне аса мұқтаж. Кәсіпорын өз қызметкерлеріне қолайлы жұмыс жағдайларын жасап, олардың кәсіби дамуына барлық мүмкіндіктерді ұсынады.
Сұранысқа ие мамандықтар:
- Қытай тілінен аудармашылар
- Жүк тиегіш машинистер
- Электр-техникалық мамандар
- Техникалық қызмет көрсету мамандары
- Өндірістік операторлар
- Тоқыма зауыты жұмысшылары
Қызметкерлерге жасалған жағдайлар:
- Түскі аспен қамту
- Алғашқы ай – тәжірибелік кезең (жалақысы 130 000 тг-ден басталады)
- Тәжірибеден кейін жалақы 400 000 теңгеге дейін өседі
- Қауіпсіздік техникасы мен еңбек тәртібі бойынша толық нұсқаулық беріледі
Бұл жұмыс орындары тек экономикалық тұрғыда ғана емес, жұмысшылардың кәсіби деңгейін арттыруға мүмкіндік береді. Өндіріс кәсіпорнының қарқынды дамуы Түркістан аймағының өнеркәсіптік әлеуетін арттырып, жаңа технологиялар мен инновацияларды енгізуге ықпал етеді.
Байланыс және өтініш беру:
Kazakhstan Lihua ЖШС: +7 775 351 8875
Түркістан қалалық Мансап орталығы: +7 778 259 5353
Құлыншақ ақын көшесі, №90а.
