Соңғы жаңалықтар

ҚАЛА ӘКІМІ ӘКІМШІЛІК-ІСКЕРЛІК ОРТАЛЫҚТАҒЫ 9 ҚАБАТТЫ ҮЙЛЕРДІҢ ҚҰРЫЛЫС АЛАҢЫНДА БОЛДЫ

Шымкент қаласындағы Әкімшілік-іскерлік орталықта 9 қабатты 56 пәтерлі тұрғын үйлердің (№41, №42, №43, 46, №47, №48 тұрғын үйлер) құрылысы жүргізілуде. Қала әкімі Мұрат Әйтенов аталған көпқабатты үйлердің құрылыс алаңына барып, құрылыс сапасын бақылады. Құрылысқа жауапты мердігер мекеме – «Югстройсервис-Н» ЖШС. Мердігер мекеме құрылысы 2019 жылы басталған нысанды биыл маусым айында аяқтауды жоспарлап отыр. Пәтерлердің жалпы ауданы – 9 345,33 шаршы метр. Қала әкімі жауапты мердігерге құрылысты сапалы орындауды және тиісті мерзімде тапсыруды міндеттеді. Сонымен қатар, әкімшілік-іскерлік орталықтағы 9 қабатты сегіз тұрғын үйдің инженерлік инфақұрылым құрылысы қатар жүргізілуде. Мердігер мекеме – «СМУ «БУРВОДСТРОЙ» ЖШС және «Гео Нұр Құрылыс» ЖШС.Мұрат Дүйсенбекұлы аталған инфрақұрылым жүйелерінің құрылысын аралап көрді. Жауапты мердігерлер нысандардың құрылысын 2021 жылдың шілде айында аяқтауды жоспарлауда.

Шымкент қаласының Әкімшілік-іскерлік орталығында 4 автомобильге арналған өрт сөндіру депосы мен қосымша ғимарат құрылысы жүргізілуде. Шаһар басшысы Мұрат Әйтенов аталған өрт сөндіру депосының құрылыс барысымен танысты. Жер телімінің жалпы ауданы 1,2 га нысанның құрылысын «Темирспец – Строй» ЖШС атқаруда. Құрылыс жұмыстары 2018 жылы басталған болатын. Мердігер компания құрылысты биыл жыл соңына дейін аяқтауды жоспарлап отыр.

Қатысты жаңалықтар

ӘЛ-ФАРАБИ АУДАНЫНЫҢ ӘКІМІ АЗАМАТТАРДЫ ҚАБЫЛДАДЫ

azatmedia

«ШЫМКЕНТ МАЙ» КӘСІПОРЫНЫНЫҢ ЖҰМЫСШЫЛАРЫ ЖОЛДАУ ЖАЙЛЫ ОЙЛАРЫН ОРТАҒА САЛДЫ

azatmedia

Блогер дұшпаннан өш алудың тың тәсілімен бөлісті

azatmedia