Мемлекет басшысы Қ.Тоқаевтың Қазақстан халқына арнаған Жолдауларында мемлекеттік қызмет көрсетудің сапасын арттыру арқылы азаматтардың мемлекеттік органдардың қызметіне деген сенімін көтеру маңыздылығын ерекше атап көрсеткен болатын. Мемлекеттік қызмет көрсету сапасы – мемлекеттік қызметшілер жұмысы тиімділігінің басты көрсеткіші болатынын және ол мемлекеттік тұтынушы ретінде халыққа тікелей бағдарлануы тиістілігін айқындап берді. Мемлекеттік билік пен халық арасындағы байланысты жүзеге асырушы жергілікті атқарушы органдардың бірі – аудандық әкімшілік. Аудан әкімінің тұрғындарды апта сайынғы қабылдауы халыққа көрсетілетін қызметтің бір түрі болып саналады.Әр аптаның сәрсенбісінде аудан тұрғындары аудан әкімінің қабылдауына жазылып, өздерінің арыз-шағымдарын, талап-тілектерін аудан басшысына тікелей жеткізеді. Осы ретте бүгін аудан әкімі Н.Байғұт аудан тұрғындарымен кезекті жеке қабылдауын өткізді. Қабылдауға келгендер жұмысқа орналасу, әлеуметтік, тұрғын үй және жол мәселесіне қатысты өтініштерін алға тартты. Қабылдау барысында аудан әкімі әрбір тұрғынның жеке мәселесін тыңдап, бірқатарына заңдылыққа сәйкес жауап берсе, әлеуметтік мәселені демеушілер тарапынан шешу жолдарын қарастыруды жүктеп, әр бір мәселенің орындалуы жеке бақылауында болатынын жеткізді.
Алдынғы жаңалық
Келесі жаңалық
