Шымкент қаласында құдықтан әйел адамның мәйіті табылды, – деп хабарлайды Azatmedia.kz ақпараттық порталы.
Бұл туралы Аякоз Бегалықызы есімді тұрғын өзінің фейсбук парақшасына жазды. Оның айтуынша, 1 қыркүйек күні Теріскей ықшамауданындағы №46 үйдің артындағы құдықтан көрпешеге орап, сыртынан скотчпен матап тасталған әйел адамның мәйіті табылған. Оның бойы шамамен 155-160 см, жасы 20-30 аралығында.
Болжам бойынша, мәйіттің жатқанына 2-5 жыл болған. Жеке басы анықталмады.
«Бұл – көрпе мен көрпешенің, сондай-ақ киімінің суреті. Егер кімде-кім оларды таныса, 102-де хабарлаңыз немесе маған жазыңыз», – деп жазады Айкөз Бегалықызы.
