Қытайлық ғалымдар коронавирус кәріз жүйесі арқылы тарайтынын мәлімдеді, – деп хабарлайды Azatmedia.kz ақпараттық порталы Tengrinews.kz Bloomberg-ке сілтеме жасап.
Зерттеушілер вирус құбырдан кішкентай бөлшектер арқылы өтетініне көз жеткізу мақсатында тәжірибе жүргізген. Нәтижесінде аэрозоль бөлшектері 10 және 12 қабаттан анықталған.
Environment International журналында жарияланған материалды зерттеуге ешкім тұрмайтын пәтердің жуынатын бөлмесінде коронавирус қоздырғышының анықталуы себеп болған.
Ақпанда ғалымдар коронавирустың құбыр арқылы тарауы мүмкін екенін айтқан. Зерттеу жұмысын жүргізгеннен кейін бұл теория дәлелденген.
Коронавирус қоздырғышы анықталған жуыну бөлмесі COVID-19 жұқтырған науқастар тұратын пәтерден жоғары үйде орналасқан. Зерттеушілер вирус құбырдан кішкентай бөлшектер арқылы өтетініне көз жеткізу мақсатында тәжірибе жүргізген. Нәтижесінде аэрозоль бөлшектері 10 және 12 қабаттан анықталған.
Бұған дейін 17 жыл бұрын Гонконгте атипиялық пневмонияның тарауына да су құбыры себеп болған. Ол кезде ауруды үйдің 329 тұрғыны жұқтырып, 42 адам қайтыс болған.
