Ақтөбе облысында Ұлы Отан соғысының 80 жылдығына және қазақтың қаһарман қызы Әлия Молдағұлованың 100 жылдық мерейтойына арналған Халықаралық «Айбын-2025» әскери-патриоттық оқушылар жарысы өтті. Ауқымды жарысқа Әзірбайжан, Беларусь, Қырғызстан, Ресей, Өзбекстан мемлекеттерінен келген командалармен бірге 800-ге жуық жас сарбаз қатысып, өзара бақ сынасты.
Жиынның негізгі бағыттары мен байқаулары
Жиынға 700-ден астам оқушы қатысып, 50-ден астам команда бақ сынады, оның ішінде 5 шетелдік команда болды. Қатысушылардың жас ерекшеліктері 12-16 жас аралығында. Байқаулардың арасында «Айбын дарыны» зияткерлік ойыны, пневматикалық мылтықтан ату, «Smart Sarbaz» технологиялық байқауы және Калашников автоматын толық бөлшектеу мен құрастыру сияқты сайыстар өткізілді.
Облыстық іріктеу кезеңдері
Жиынға қатысу үшін еліміздің әр өңірінде облыстық іріктеу байқаулары ұйымдастырылды. Мысалы, Түркістан облысында Төлеби ауданындағы «Бәйшешек» жазғы сауықтыру лагерінде өткен облыстық іріктеу байқауына 17 команда қатысты. Жарыс қорытындысы бойынша Кентау қаласы бірінші орынға ие болды, ал Арыс қаласы үшінші орын алды. Жеңімпаздар маусым айында Ақтөбе облысында өтетін халықаралық кезеңде облыс намысын қорғады .Жиынға Түркістан облысының атынан Кентау қаласының «Жас Қыран» әскери-патриоттық клубы қатысып, облыс намысын абыроймен қорғады. Түркістан облысының намысын қорғаған «Жас Қыран» әскери-патриоттық клубы халықаралық байқауда жүлделі ІІ орынға ие болды.
