Түркістан облысы, Сарыағаш ауданы, Дербісек ауылдық округіндегі білім беру ісінде де ілгерілеу айқын байқалады, – деп жазады Аnyqtimes.kz.
Сарыағаш ауданы Дербісек ауылдық округі әкімінің 2021 жылдың алғашқы 6 айында жасалған жұмыстары бойынша есебі тыңдалды. Онда өңір басшысы аймақтағы білім беру ісіндегі өзгерістер мен атқарылып жатқан жұмыстар жайына да тоқталды.
Қазіргі таңда округ аумағында 5 жалпы орта мектеп орналасқан. Жалпы мұғалімдер саны 354 болса, оқушылар саны – 3679.
Еліміздегі мектептердің инфрақұрылымындағы өзекті мәселенің бірі – әжетхананың сыртта, мектеп ауласында орналасуы. Аталған түйткілді мәселе өңірде шемімін тауып келеді. Атап айтсақ, бүгінде №64 А.Байтұрсынов және №76 мектеп әжетханасы ғимарат ішінде орналасқан. №11 М.П.Окороков мектебінің әжетханасының сметалық құжаты рәсімделіп, аудандық білім бөліміне тапсырылған.
Сонымен қатар №31 Т.Бигелдинов мектебінің ауласынан құдық қазып, су мәселесін шешіп беруге аудандық білім бөліміне тапсырыс берілген.
