Түркістан облысы, Төлеби ауданы, Леңгір қаласындағы көпқабатты тұрғын үйдің қабырғасына Әл-Фарабидің суреті салынып жатыр, – деп хабарлайды Azatmedia.kz ақпараттық порталы.
Ресми мәліметке сүйенсек, аталған тұрғын үйге ағымдағы жөндеу жұмыстары жүргізіліп жатыр. Мердігер мекеме – «Энергосервисстрой» ЖК. Ал сурет мердігер мекеменің демеушілігімен «Түркістан – адалдық алаңы» жобасы аясында салынып жатыр.
Бұған дейін Нұр-Сұлтан, Алматы, Ақтау қалаларында көпқабатты тұрғын үйлердің қабырғаларына суреттер салынған болатын.
Айта кету керек, биыл Әл-Фарабидің 1150 жылдығы ЮНЕСКО көлемінде аталып өтуде. Салынған сурет бір жағынан осы бір маңызды мерейтойдың мәнін арттырған бастама болды деуге болады.
