АҚШ президенті Дональд Трамп бірнеше аптада коронавирусқа қарсы вакцинаның дайын болуы мүмкін екенін мәлімдеді, – деп хабарлайды Azatmedia.kz ақпараттық порталы.
«Вакцинаның дайын болуына бірнеше апта қалды. Оған шамамен үш-төрт апта кетуі мүмкін» – деді АҚШ президенті. Бұл туралы ол АВС телеарнасында айтты.
15 қыркүйекте SARS-CoV-2 вакцинасына қауіпсіздігі мен тиімділігі бойынша жасалып жатқан сынама барысында бір науқастан жанама реакция байқалған. Енді вакцинаға жасалатын сынама уақытша тоқтатылып, аталған жанама реакция бойынша талдау жасалуда.
АҚШ коронавирусқа шалдыққандар саны бойынша әлі де бірінші орында келеді. Осы уақытқа дейін елде барлығы 6,6 миллионнан астам адам тіркелген. 195 мыңнан астам адам қайтыс болса, 2,49 миллионы жазылып шықты. Ал 16 қыркүйектегі көрсеткіштер бойынша, әлемде барлығы 29,4 миллион адам коронавирусқа шалдыққан.
