Келес ауданының әкімі Ақментай Есбаев Абай ауылындағы кешегі жауған жаңбырдан су жиналатын көшелерін көріп шықты.
Абай ауылындағы көп қабатты үйлердің жанындағы сайларға жиналған су үйінділерін көрген аудан басшысы ауыл әкімі мен аудандық төтенше жағдайлар бөлімінің басшысына мәселені шешу үшін тиісті тапсырмаларды жүктеді. Абай ауылының әкімі Ерғали Абдирахмановқа аталған мәселені түбегейлі шешу үшін ұсыныстар дайындап, қажетті шаралар қабылдауын айтты.
Аудан басшысы өңір орталығындағы Бәйтерек көшесінің кіре берісіндегі су жиналған тұсқа барып, көшенің ақсақалдарымен мәселенің шешімін талқылады. Басқосудағы шешімге сәйкес, Абай ауылының әкіміне жол жиегінен суағарды биылғы жоспарға ендіріп, кезеккүттірмей орындауын тапсырды.
