ҚР Президенті Қасым-Жомарт Тоқаевтың ел аумағында COVID-19 коронавирусын пандемия деп тануына байланысты төтенше жағдай жарияланған болатын. Осыған орай, Келес ауданында да індеттің таралуына тосқауыл қою бойынша барлық шаралар қарастырылып, жұмыстар атқарылуда.
Аймақта бетперделердің тапшылығына байланысты цехтар өз жұмыстарын қарқындатуда. Дәріханалар мен бөлшек саудада туындаған медициналық бетперде тапшылығын жою үшін бүгінде кәсіпкерлер өз үлесін қосып, өнімді арттырып жатыр.
Осыған орай, Келес ауданының әкімдігі «Бастау» кәсіпкерлік нысанымен келісімге келіп, күніне қажеттіліке байланысты бетперделер жеткізуге келісімге келді. Аталған кәсіпорын бүгіннің өзінде аудан тұрғындары бетпердемен қамту мақсатында 2 мың бетперде жеткізді. Алдағы уақытта қажеттілікке байланысты өнім көлемін арттырып, аудан халықын толық бетпердемен қамтуда жоспарлауда.
