AzatMedia. Бүгін аудан әкімі Н.Байғұт аудан аумағындағы эпидемиологиялық жағдайды талқылап алдын алу шараларын нақтылау мақсатында жауапты мекемелердің өкілдерін қабылдады.
Қабылауға аудандық аурухананың бас дәрігерінің орынбасары Ж.Ақылбаева, аудандық ТҚҚСҚББ(СЭС) басшысының орынбасары Н.Әзімбаев және аудандық жедел жәрдем көрсету орталығының меңгерушісі А.Ессев қатысты.
Жиында аудандық аурухана мен жедел жәрдем көрсету орталығының тұрғындарға қызмет көрсету барысы мен бүгінгі таңдағы өзекті мәселелер талқыланып, алдын алу бойынша шешу жолдары нақтыланды.
Аудандағы денсаулық сақтау саласына қатысты мекемелердің бүгінгі таңдағы атқарылған жұмысын толық тыңдап шыққан аудан басшысы Нұрлан Мархабатұлы, аудан тұрғындарының қауіпсіздігі басты назарда екенін алға тартып, әр бір денсаулыққа қауіп тудыру мүмкіндігі бар жағдайды болдырмау үшін дер кезінде тиісті шараларды іске асыру қажеттігін ескерді.
Осы орайда, өз жақындарыңыз бен туыстарыңыздың өміріне қауіп төндірмей, барлық талаптарды сақтануға шақырамыз.
Өйткені вирусты инфекцияға шалдыққан адамдардың санының одан әрі артуы немесе артпауы сіз бен бізге байланысты.
