Келес ауданы аумағынан өтетін А-15 Республикалық маңызы бар автокөлік жолының бойы және аудан орталығы Абай ауылында санитарлы тазалық жұмыстары жүргізілді.
Көктем келісімен-ақ аудан орталығынан бастап, барлық ауылдарда көктемгі жұмыстар қолға алынды. Көше бойларындағы бұрыннан өсіп тұрған ағаштар мен жасыл желектерге күтім жасалып, ағаш түптері ақталды. Ағаштарды суландыруға ыңғайландырылып, арықтар тазартылды.
Сонымен қатар, автомобиль жолдарының қатты қалдықтар мен қоқыстар сыртқа шығарылды. Алдағы уақытта сенбілік жұмыстары осылайша жалғасын таба беретін болады. Себебі ауданымыздың көгалдануы көркіміз болса, таза болуы мен абаттануы – баршамызға ортақ абыройымыз.
