Ағымдағы жылдың 21 тамыз күні «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Түркістан облыстық филиалының төрағасы Бастарбек Пірімбетов «Қалың қалай, бастауыш ұйым?» акциясы аясында Сайрам аудандық Қ.Жандарбеков атындағы мәдениет үйінде бастауыш кәсіподақ ұйымының мүшелерімен кездесу өткізді.Кездесуге мәдениет қызметкерлері мен кітапханашылар қатысып,. аталмыш шарада сөз алған Бастарбек Пірімбетов қатысушыларға мұндай кездесулер еңбек ұжымдарындағы көтерілген мәселелерді ашық жеткізе отырып, оларды шешу үшін оңтайлы шаралар қабылдауға, еңбеккерлердің әлеуметік-экономикалық, құқықтық мүдделерін қорғауда, еңбек қатынастарын реттеу және тағы басқа өзекті мәселелерді шешуге мүмкіндік беретінін алға тартып, қызметкерлердің жұмыс барысында ұжымның бірлігін нығайту, жұмыстағы күйзелістің алдын алу, қызметкерлермен ресми, ашық диалог алаңын қалыптастырып отырудың маңыздылғын атап өтті.Кездесу соңы марапаттау миссиясымен жалғасты, онда мәдениет саласының дамуына үлес қосып жүрген бірқатар белсенді еңбеккерлер марапатталды.Атап айтқанда, аудандық орталықтандырылған кітапхана кітапханашысы, ақын, сазгер Роза Абдыжаппарова республикалық «Еl qurmety» қоғамдық қорының өз саласына қосқан еселі еңбегі үшін «Мәдениет саласының үздігі» медалімен, Қарабұлақ ауыл кітапханасының кітапханашысы Унсынай Сатыбалдиева мен кітапхана күзетшісі Алихан Сауыров салалық кәсіподақтың «Құрмет грамотасымен» марапатталды.
САЙРАМ АУДАНЫНДА «ҚАЛЫҢ ҚАЛАЙ БАСТАУЫШ ҰЙЫМ?» АКЦИЯСЫ АЯСЫНДА КЕЗДЕСУ ӨТТІ
