Түркістан облысы, Түркістан қаласының Төтенше жағдайлар басқармасының қызметкерлері қала аумағында «Өрт қауіпсіздігі» айлығын ұйымдастырды.
«Өрт қауіпсіздігі» айлығы 2024 жылғы жылыту маусымы басталар алдында 15 тамыз бен 15 қыркүйек аралығында жүргізіледі. «Өрт қауіпсіздігі» айлығы барысында Департаментпен және Түркістан облысының жұмыспен қамтуды үйлестіру және әлеуметтік бағдарламалар басқармасымен есепке алынған 42 322 әлеуметтік жағдайы төмен отбасылардың тұрғын үйлері толық араланып, «өрт қауіпсіздігі», «улы газдан уланудың алдын алу» және мұржалар және пештің ақаулықтарының салдарынан келетін қауіптің алдын алу мақсатында бойынша үгіт-насихат жұмыстары жүргізілетін болады.
Әлеуметтік жағдайы төмен отбасылардың тұрғын үйлерін аралау жұмыстарына жергілікті атқарушы органдар, газ инспекциясының мамандары, еріктілер және қажет болған жағдайда полиция департаментінің қызметкерлері қатысады.
Тұрғын үйлерді аралау барысында тұрғындарға түсініктеме беріледі және тұрғын үйлерде өрт қауіпсіздігінің негізгі ережелерін сақтау бойынша профилактикалық әңгіме жүргізіледі.
Әр үйде әртүрлі тұрмыстық техника, жабдықтар, жанғыш сұйықтықтар және жылу көздері бар. Электр аспаптары мен сымдардың жарамдылығына назар аударыңыз. Сынған және ақаулы розеткаларды, ажыратқыштарды, картридждерді ауыстырыңыз. Электр желілеріндегі өрттердің жиі себептері электр желілерінің шамадан тыс жүктелуі, үлкен өтпелі кедергілер, қысқа тұйықталу, ұшқындау болып табылады. Есіңізде болсын, жоғары қуатты бірнеше электр құрылғыларын бір уақытта электр желісіне қосу оның шамадан тыс жүктелуіне әкеледі. Электр құралдарын жас балалардың қамқорлығына қалдыруға болмайды. Үйден шыққан кезде электр құралдарын желіден өшіріңіз.
Құрылыстардың жанына от жағуға және сөндірілмеген көмір мен күлді тастауға жол берілмейді;
Жылыту маусымы басталар алдында пеш пен түтіндіктің жарамдылығын тексеру қажет. Мұржалар мен түтіктерді күйеден жақсылап тазалаңыз. Пештің дұрыс есіктері, тиісті мөлшердегі жапқыштары болуы керек, егер еден ағаш болса, онда оған 50х70 см өлшемді металл табақ шегеленуі керек.
Отын мен басқа да жанғыш материалдарды пештен қауіпсіз қашықтықта жинаңыз. Жиһазды, перделерді және басқа да жанғыш заттарды жанып жатқан пештен 1 м жақын емес жерде орналастыру керек. Жоңқаны, үгінділерді, жоңқаларды пештің астында сақтауға жол берілмейді, сондай-ақ отынды пеште кептіруге, оның үстіне киім-кешекті кептіру үшін ілуге болмайды.
