Елбасының 2018 жылғы 5 қазандағы «ҚАЗАҚСТАНДЫҚТАРДЫҢ ӘЛ-АУҚАТЫНЫҢ ӨСУІ: ТАБЫС ПЕН ТҰРМЫС САПАСЫН АРТТЫРУ» атты Қазақстан халқына жолдауында «Агроөнеркәсіп кешенінің әлеуетін толық іске асыру керек. Негізгі міндет — еңбек өнімділігін және қайта өңделген ауыл шаруашылығы өнімінің экспортын 2022 жылға қарай 2,5 есе көбейтуді» тапсырған болатын.Осыған орай, елімізде ет шаруашылығын дамытуға бағытталған «Сыбаға» бағдарламасы арқылы Түлкібастық шаруалар жеңілдетілген несиелер алып, өз кәсібін өрлетуде. Солардың бірі, Түлкібас ауданынына қарасты Машат ауылының тұрғыны, жеке кәсіпкер Е.Төлепбеков биылғы жылы аталмыш бағдарлама аясында 70 бас аналық ірі қара сатып алып, бүгінгі таңда ет бағытындағы ірі қара мал басын көбейтуде. Ет бағытындағы мүйізді ірі қара малының экспорттық әлеуетін дамыту мақсатында қабылданған «Сыбаға» бағдарламасын орындау мақсатында биылғы жылы Түлкібас ауданына облыстық тиісті басқарма тарапынан межеленген жоспар 265 бас ет бағытындағы ірі қара мал болса, 8 айлықтың қорытындысымен жоспар 113 пайызға орындалып, 299 басты құрап отыр.
Алдынғы жаңалық
Келесі жаңалық
