Қазақстанда астық жинау науқаны аяқталды. Биыл 20,1 млн тонна дәнді дақыл қамбаға құйылған, – деп хабарлайды Azatmedia.kz ақпараттық порталы.
Бұл туралы сейсенбі күнгі үкімет отырысынде ауыл шаруашылығы министрі Сапархан Омаров мәлімдеген.
“Қазіргі уақытта дәнді дақылдарды жинау, егін алаңының жұмыстары 99,5%-ға аяқталды. Республика бойынша егін алқабы 15,8 миллион гектар болды. Орта есеппен бір гектардан 12,8 центнер астық алынды. Жалпы ел бойынша 20,1 миллион тонна астық жиналды”, – деді министр Омаров.
Омаровтың айтуынша, дәнді дақылдардың көлемі елдің ішкі қажеттілігін толық қамтамасыз етуден бөлек 7-8 млн тонна астықты экспорттауға жетеді.
