Ғалымдар ұялы телефон жарығының зияны барын айтып, тәуелділіктен арылуға кеңес берді, – деп хабарлайды Azatmedia.kz ақпараттық порталы radiokp.ru сайтына сілтеме жасап.
Дерматологтар ұялы телефонға ұзақ телміретіндерге бұл әдеттен аруға кеңес берді. Зерттеушілердің пікірінше, 5 күн бойы смартфонға үңілу адам терісіне 25 минут күнге қыздырынуға тең әсер береді. Яғни, смартфон жарығының теріге зияны бар.
«Егер адам телефонды ұзақ пайдаланса, оның көк жарығы адам терісінің гиперпигментацияға ұшырауына, қартаюына және сусыздануына әкеліп соқтырады. Өз теріңізді қорғаудың ең қарапайым жолы – смартфонды қолдану уақытын азайту», – деп жазады Mirror басылымы.
Мамандардың пікірінше, телефонға телміруді азайту көздің көру қабілетінің жақсаруына да септігін тигізеді.
