«Атырау облысы әкімінің бірінші орынбасары ұсталды» – деп, хабарлайды Azatmedia.kz ақпараттық порталы Қазақпаратқа сілтеме жасап.
Нұрлан Таубаевпен қатар облыстық құрылыс басқармасының басшысы Тимур Басаров та құрықталған. Бұл туралы облыстық сыбайлас жемқорлыққа қарсы іс-қимыл департаментінің баспасөз қызметі хабарлады.
Олар аймақтың инфрақұрылымдық дамуы мен жол құрылысымен айналысатын компаниялардың бірінен 182 миллион теңге көлемінде пара алды деген күдікке ілінді. Тергеу мүддесі үшін істің мән-жайы әлі ашылған жоқ.
Айта кетейік, Нұрлан Таубаев облыс әкімінің бірінші орынбасары лауазымына мамыр айында, ал Тимур Басаров Атырау облысы құрылыс басқармасының басшысы қызметіне маусым айының соңында тағайындалған болатын.
