Ұлттық тестілеу орталығының директоры Дидар Смағұлов өзінің Facebook-тегі парақшасында ҰБТ кезінде талапкерге тест сұрақтарына көмектескен кезекші мұғалімнің видеосын жариялады, – деп хабарлайды Azatmedia.kz тілшісі.
Дидар Смағұлов айтуынша ҰБТ бейнежазбаларының қорытындысы бойынша 158 тестіленушінің нәтижелері жойылды, олардың 97-сі грант иегері атанған болатын, соның ішінде 138 балл алған түлек те бары анықталған.
Өкінішке орай, тәртіпті қамтамасыз ететін кезекшінің өзі қылмыстық әрекетке байланысы бар екені туралы фактілер анықталды. Қараңыздаршы, қандай «батырлықпен» сұрақ кітапшасын фотоға түсіріп отырған баланы денесімен жауып тұрғанын, -дейді Дидар Смағұлов.
Осы әрекетке байланысты кезекшінің білім беру саласынан жұмыстан босатылуын, сондай-ақ қатал жауапкершілікке тартылуын талап ететінін жеткізді.
Соған орай, әділ тапсырған, бірақ грантқа өтпеген 97 бала 2 апта ішінде грант иегерлері атанып, тіркелетін болады.
Толығырақ ҰТО парақшасында жариялайтын болады.
