ОБЛЫСТЫҚ МУЗЕЙДЕ ҰЛТТЫҚ ДОМБЫРА КҮНІНЕ ОРАЙ ШАРА ӨТТІ

Түркістан облыстық тарихи-өлкетану музейінде Ұлттық домбыра күні мен Астана күніне орай «Домбыра — дастан» атты іс-шара өтті.Негізгі мақсаты — жастардың ұлттық мәдениетке деген қызығушылығын арттыру, сондай-ақ қазақ халқының дәстүрлі музыка өнерінің асыл мұрасы — домбыраның тарихи және мәдени мәнін терең ұғындыру.Іс-шара барысында М.Әуезов атындағы оқу ордасының оқытушысы, өнертанушы Смағұл Хамза мен қолөнерші, ағаш ұстасы Сәдібеков Қожабек оқушыларға домбыраның пайда болу тарихы мен осы аспапқа қатысты аңыз-әңгімелерді кеңінен баяндап берді. Сонымен қатар бірнеше танымал күйлер орындалып, балаларға арналған қызықты жұмбақтар жасырылды. Кеш барысында «Қаратау» өнер мектебінің оқушылары өз өнерлерін көрсетіп, ұлттық әуенмен көрерменге ерекше көңіл-күй сыйлады.