2020 жылдың 1 тамызындағы деректер бойынша, Қазақстан халқының саны 18,7 миллионнан асты, – деп хабарлайды Azatmedia.kz ақпараттық порталы.
Бұл туралы ҚР Ұлттық экономика министрлігі Статистика комитеті жариялады. Ресми мәліметке сүйенсек, тамыз айының басында ел халқының саны 18 миллион 767,5 мың адамды құраған. Оның ішінде қалада тұратындар – 11 миллион 49 мың адам болса (58,9%), ауыл халқы – 7 миллион 718,5 мың адамды (41,1%) құраған.
Нәтижесінде ел халқының саны 2019 жылдың 1 тамызындағы көрсеткіштермен салыстырғанда 238,6 мың адамға, яғни 1,3%-ға өскен. Аталған кезең аралығында ең жоғары өсім үш өңірде, атап айтқанда, Алматы (64,2 мың), Нұр-Сұлтан (30,6 мың), Шымкент (30,6 мың) қалаларында тіркелді.
