Ордабасы аудандық адами әлеуетті дамыту бөлімінің жұмыс жоспарына сәйкес, педагогикалық – әдістемелік кабинетінің әдіскері С. Реңдібаеваның ұйымдастыруымен математика, физика пән мұғалімдеріне «Төрткүл» жалпы орта мектебінде «Жаңартылған бағдарлама: ізденіс пен тәжірибе» тақырыбында «ZOOM» платформасы арқылы аудандық семинар өткізілді. Семинар барысында математика пән мұғалімдері Түгелбай Төлеген мектеп тарихымен, Сағымбекова Ғазиза математика және физика бірлестіктерінің жетістіктерімен таныстырып өтті. Б.Болғанбай «Физика пәнінде баланың ғылыми жұмысқа қызығушылығы: шығармашылық пен тәжірибе», Ә. Артықбай 10 сынып оқушысының жетекшісі Қ.Орынбаева «Геометрия және өнер» ғылыми зерттеу жұмысы», Т.Түгелбай «Математика пәні бойынша оқушылардың білім сапасын арттыруда критериалды бағалауға арналған тапсырмалардың маңызы», Ұ.Оңалбаева «Физика пәнінен Қашықтан оқытудың classroomәдісі», Ғ.Құрасынова «Математика сабағында wordwall.net бағдарламасын қолданып тапсырмаларды құрастыру», Ғ.Сағымбекова «Қашықтықтан оқыту барысында PISA тапсырмаларын қолдану» тақырыбында баяндамалар жасап, өз іс-тәжірибелерімен бөлісті. Семинарға қатысушылар ұсыныс пен жақсы пікірлерін, тілектерін айтып, кері байланыс жасалды.
АУДАНДЫҚ СЕМИНАР ӨТТІ
