Түлкібас ауданында 2020 жылдың 8 айында ауыл шаруашылығының жалпы өнім көлемі 26 млрд. 665 млн.теңгегені құрап отыр. Оның ішінде егін шаруашылығы –11 млрд. 94 млн. теңге, ал мал шаруашылығы – 15 млрд. 564 млн.теңгені межелеп отыр. Бұл жайында Түлкібас ауданының әкімі Нұрлан Байғұт аудандық мәслихаттың кезекті ХХХХХХ сессиясында халық қалаулылары алдында берген есепте мәлімдеді. Сонымен қатар, аудан басшысы барлық салаларға жеке-жеке тоқталып, өз баяндамасында мемлекет басшысы Қ.К.Тоқаевтың тікелей тапсырмасымен барлық өнірлерде іске асып жатқан «Жұмыспен қамту жол картасының» 2020-2021 жылдарға арналған бағдарламасының аудан аумағында іске асу барысымен бөлісті. Бағдаралама шеңберінде Түлкібас ауданында жалпы 6 жоба іске асуда. Олар: 3-і мектептің күрделі жөндеу жұмыстары және 3-і инфрақұрылым және тұрғын үй-коммуналдық шаруашылықты дамыту бағытында (1-АУЫЗСУ, 1-ЭЛЕКТР ЖЕЛІЛЕРІН ЖАҢАРТУ, 1-КӘРІЗДІК ЖҮЙЕНІ ЖАҢАРТУ). Бүгінгі таңда аталмыш жобалардың 4-і толығымен аяқталып отыр. Бағдарлама аясында жоғарыда аталған әр түрлі бағыттағы құрылыс жұмыстарына 133 азамат жұмылдырылса, соңын 70-і аудан тұрғындарын құрап отыр.Аудан басшысының есебін мұқият тыңдаған халық қалаулылары ағымдағы жылдың 8-айында атқарылған жұмыстарға байланысты сауалдарына толыққанды жауап беріп, халық қалаулыларын толғандырып жүрген жол құрылысы, ауыз су мәселелері белгіленген мерзімде рет-ретімен шешілетінін жеткізді. Аудан әкімінің өзіне жүктелген функциялары мен міндеттерін орындауы бойынша ой-пікір білдірген халық қалаулары ауданның әлеуметтік –экономикалық дамуы үдемелі қарқынмен өсіп-өркендеп келе жатқанын тілдеріне тиек етіп, аудан басшысының қызметіне жоғары баға берді.
ХАЛЫҚ ҚАЛАУЛЫЛАРЫ АЛДЫНДАҒЫ ЕСЕП
