Apple жаңа өнімнің таныстырылымын өткізген соң бұрынғы модельдердің бағасы күрт төмендеген, – деп хабарлайды Azatmedia.kz ақпараттық порталы lenta.ru сайтына сілтеме жасап.
Бұған дейін әлемдегі ең танымал модель саналған іPhone 11 құны 55 мың рубльге (306 350 теңге) дейін төмендеді. Бұл – 64 гигабайттық жадқа ие моделінің құны. Ал смартфонның 128, 256 гигабайттық жадқа ие түрлерінің бағасы сәйкесінше 60 мың (334 200 теңге) мен 70 мың рубльге (389 900 теңге) дейін арзандаған.
Айта кету керек, 2019 жылдың күзінде iPhone 11-дің сатылымдағы бағасы 59 990 рубль еді. Ал 2018 жылы шыққан iPhone XR моделін қазіргі уақытта 48 мың рубльге (267 360 теңге) сатып алуға болады.
Жаңа бағаларды жаңартылған Apple веб-сайтынан көруге болады.
