Түрікменстан президенті Гурбангулы Бердімұхамедов отандық электронды өнімдердің жаңа үлгілермен танысып, оларға атау берді, – деп хабарлайды Azatmedia.kz ақпараттық порталы.
«Түркіменстан шежіресі» басылымында ел президентінің смарт-теледидар, ұялы телефон, роутер мен ауыз суды салқындатуға және жылытуға арналған құрылғы сынды бірнеше техникалық заттарға атау бергені жазылды.
Қазіргі уақытта Гурбангулы Бердімұхамедовтың ұлы Сердар – елдің өнеркәсіп және құрылыс өнеркәсібі министрі. Аталған заттарға атау беруді де президенттің ұлы ұсынған.
Түркіменстан президенті смарт-теледидарға «Älem», смартфонға «Milli», екі сим-карталы телефонға «Körpe», роутерге «Uçgun», ауыз суды салқындатуға және жылытуға арналған құрылғыға «Mylaýym» деген атау қойған.
