Түркістан облысы, Келес ауданы, Алпамыс батыр ауылдық округінде қашыртқыларды тазалау жұмыстары жүргізілді, деп хабарлайды Azatmedia.kz.
Алпамыс батыр ауылдық округі бойынша жалпы екі канал бар. Бірі Ащынау каналы болса, екіншісі ВТК каналы. Жалпы ауылдық округке каналдан 600 текше метр су беріледі.
Бүгінгі таңда қашыртқыларды тазалау жұмыстары Қауыншы елді мекеніндегі ВТК каналынан келетін су қашыртқысың жалпы ұзындығы 5,6 шақырымды құрайды. Қазіргі кезде аталмыш қашыртқы толықтай тазалау жұмыстарына өткізілді. Аталған жобаны «Kaz stroy capital» ЖШС мердегір мекемесі құны 7,79 миллион теңгеге жұмыс атқарған.
Ал, Ақжол елді мекеніндегі 36,7 шақырымнан тұратын қашыртқыларды тазалау жұмыстарына сметалық жобалық құжатамасы дайындалып, Келес аудандық әкімдігіне жолданды. Оның сметалық құны 34 миллион теңгені құрап отыр.
Жауапты мекеме өкілдері ауданның су пайдаланушылармен келісім-шарттарға тұрып, лимиттегі қаралған ағын суды жеткізіп беруде, ауданда су тапшылығы сезілмей тұр. Салаға жауаптылар су пайдаланушылырмен келісім-шартқа тұру жұмыстарын жалғастыруда.
