Келес ауданына қарасты Жамбыл ауылдық округі 1994 жылы құрылған, ауылдық округтің құрамына 5 елді мекен кіреді, деп хабарлайды Azatmedia.kz. Олар Бекбота, Ащыкөл, Байғабыл, Қалғансыр, Майда Бозай, орталығы Бекбота ауылы. Жалпы жер аумағы 82935 гектар. Жалпы халық саны 4099 адамды құрайды.
Округ аумағында 4 жалпы орта мектеп, 4 бала бақша, 1 ауылдық аурухана мен 1 дәрігерлік емхана, 2 ФАП, 3 медициналық пункт, 1 мәдениет үйі, 1 кітапхана, 7 ЖШС, 136 шаруа қожалық пен 3 өндірістік кәсіпорын жұмыс жүргізіп келеді.
Ал ауылдық округ әкімі аппаратында 7 мемлекеттік қызметкер: ауылдық округ әкімі, бас маман іс басқарушы, бас маман есепші, бас маман статист, бас маман жер инспекторы, жетекші маман әскери есеп жүргізуші, жетекші маман салық инспекторы болып 7 штат бірлігімен жұмыс істеп жатыр. Сонымен қатар келісім шарт негізінде 3 маман (инспектор және 2 статист ) қызмет атқарады.
Ауыл тұрғындарының ахуалын жақсартуда әлеуметтік сала бойынша жүргізіліп жатқан жұмыстар мен қолға алынып отырған жобалардың да қосатын үлесі бар. Кәсібін жаңа бастаған жандарға қолдау көрсету, әрбір азаматтың қоғамнан өз орнын табуына ықпал ету де маңызды іс. Әлеуметтік саланы түлетуде осындай жоспарлы шаралардың соны серпін беретіні де даусыз. Алдағы уақытта да елді мекенде әлеуметтік саланың серпін ала түсетініне сенім бар.
