«Халық үніне құлақ асатын мемлекет» тұжырымдамасы Мемлекет басшысы Қасым-Жомарт Тоқаевтың Қазақстан халқына арнаған Жолдауына арқау болған бағыттардың бірі. Мемлекеттік құрылымдардың қыз¬меті халықтың игілігіне, азамат¬тардың сұранысы мен талап-тілегіне ба-ғытталуға тиіс. Мемлекет басшысы қоғамдық диалог, ашықтық, адам¬дар¬-дың мұң-мұқтажына жедел назар ау¬дару мемлекеттік органдар қызметінің не¬гізгі басымдықтары саналады, деп атап өткен.
Бүгінде «AMANAT» партиясы жанындағы Қоғамдық қабылдау бөлімдерінің басты бағыты жекелеген азаматтардың өтініштерінде көрсетілген мәселелерді шешуге көмектесу және атқарушы билік органдарының қызметіне қоғамдық бақылау жасау болып табылады. Бұл ретте партияның облыстық филиалы азаматтардың заңды құқықтарына қолдау көрсетіп, атқарушы органдардың жұмысын жетілдіруге белсене араласып келеді. Қазіргі таңда талай жанның тірлігін тындыруға сеп болған партияға халықтың да сенімі молайған.
Кентау қаласына қарасты Құшата ауылының тұрғыны Бахриддин ақсақал бірнеше жылдан бері шешімін таппай келе жатқан мәселесімен жуырда облыс басшысына кіріп, мән-жайды түсіндірген. Өңір басшысы қарияны жылы қабылдап, мәселесін мұқият тыңдап өз бақылауына алатынын айтып шығарып салған.
Құшаталық Бахриддин Абдусаттаров ақсақал соған қарамастан «AMANAT» партиясының Түркістан облыстық филиалына да өзін толғандырған жәйтпен келіп, филиал төрағасы Алтынсары Үмбетәлиевтің жеке қабылдауына кіруді жөн көреді. Ауылдан ат арытып келген қарияны кезектен тыс қабылдаған филиал төрағасы Алтынсары Үмбетәлиев жылдар бойы қордаланып қалған проблемасын зер сала тыңдады.
Құшата ауылында дүниеге келіп, сонда жарты ғасырдан аса уақыт бойы отбасымен бірге бау-бақша өсіріп, егін салған Бахриддин ақсақалдың әкесі Мамадазим Абсаттаровқа Кентау қаласының әкімі 1997 жылы №485 шешімімен Қарнақ ауылы әкімшілігінің тұрғындарына тұрақты жер пайдалану құқығымен отбасына жер бөліп беру туралы шешім шығарған. Демек Мамадазим Абсаттаровтың отбасы мүшелеріне 44 га жер телімдерін үлестіріп берген. Оның ішінде 2,17 га, 0,45 га бау бақшалар, 6 га шабындық, 36 га жайлымдық жерлерді тұрақты пайдалануға берген. Мамадазим ақсақал 2012 жылы өмірден өткен соң аталған жері телімі заң талаптарына сай ұлы Бахриддин Абдусаттаровқа мұрагерлікке өтеді.
Алайда, аталған жер Кентау қаласы әкімінің шешімімен 2000 жылы Құшата аулының тұрғындары Р. Ғаниевке, 2002 жылы А. Шамшиевке беріледі. Демек аталған жер телімі бүгінде 3 адамның иелігінде. Ақсақал осы мәселемен талай есікті тоздырған. Сотқа да арызданған. Енді барлық шешімдердің заңдылығын тексеріп, анықтауды өтінеді.
Қарияның өтінішне құлақ түрген Алтынсары Дүйсенбекұлы 20 жылдан аса уақыт бұрын шыққан шешімнің заңдылығын зерделеуді партия филиалының заңгері Нұркен Естебековке тапсырды. Одан бөлек, бұл шиеленіскен мәселені жеке бақылауына алып, тиісті жауапты атқарушы билік өкілдерімен кездесіп, барынша оң шешімін табуына ықпал ететінін жеткізді.
ПАРТИЯҒА ҮМІТ АРТЫП КЕЛДІ
