Түркістан облысына қарасты табиғи байлығы және жер асты минералды суларына бай, шипажайы арқылы да таныс – Сарыағаш. Бұл қаланың халық саны 39758 адамды құрайды, деп хабарлайды Anyqtimes.kz ақпараттық порталы.
Экономикалық белсенді халық саны 21565 адам ал зейнеткерлер 4014 адам, ҰОС ардагерлер саны 1 және теңестірілгендер саны 137 адам, мүмкіндігі шектеулі жандар саны 2689 адам,тұрақты жұмыспен қамтылғандар 8475 адам, көп балалы аналар 1480 адам, 23 ұлттың өкілі, 7 687 отбасыны құрап отыр.
Қазіргі таңда Сарыағаш қаласы әкімі аппаратында 15 мемлекеттік қызметкерлер, 15 келісім шарт негізінде қызметкерлер жұмыс жасауда. Қаланың жалпы жер көлемі 4 219 га құрайды. Сонымен қатар 2021 жылдың 9 айында қала әкімінің 30 өкімі мен 104 шешімі қабылданған. Жеке азаматтардан 242 өтініштері мен арыздары тіркеліп, оның ішінде 212 арыздар мен өтініштерге өз мерзімінде тиісті жауаптары жолданды, қалған 30 арыздар мен өтініштер кейінгі кезеңге қалдырылды.
