«18 килогерц» фильмі – 90 жылдардың соңындағы жасөспірімдердің өмірін баяндайтын көшедегі оқиға.
Конкурста аталған лентаның әлемдік премьерасы өтті деп жазды «Вечерний Алматы» басылымы. Бұл туралы Azatmedia.kz ақпараттық порталы хабарлайды.
«18 килогерц – бұл ересектер естімейтін дауыс жиілігі. Фильм жасөспірімдердің проблемаларына арналған. Ашығын айтсақ, біз үшін есейе келе жастардың проблемаларын түсіну қиындай береді.Кейбір мәселелер жас кезімізде шешілмейіндей көрінетін. Өз туындым арқылы сол жастық шақты еске салғым келді», – дейді Фархат Шәріпов.
Түсірілім Алматы қаласында өткен. Фильмге түскен жас актерлар үшін бұл дебют болды – Мұсахан Жұмахан, Әлібек Әдікен және Камила Фун-Со. Фильм Зара Есенаманның «Хардкор» кітабына негізделіп түсірілген.
Оның сценариін Шәріповтың өзі жазды. Туынды жастар проблемасына арналған трилогияның алғашқы бөлімі ретінде ойластырылған.
