Түркияда коронавирусқа шалдыққандармен байланыста болған адамдар жайлы жалған ақпарат таратқандар екі жылға дейін бас бостандығынан айырылуы мүмкін, – деп хабарлайды Azatmedia.kz ақпараттық порталы Анадолы агенттігіне сілтеме жасап.
Агенттіктің хабарлауынша, азаматтардың белгілі бір санаты науқастарды, әсіресе жеке сектор қызметкерлерін оқшаулаудың экономикалық салдарын болдырмауға үміттеніп, полиция мен денсаулық сақтау министрлігінің қызметкерлерінен байланыстары туралы ақпаратты жасырғанды жөн көреді.
Енді мұндай әрекеттер заңға қайшы және жалған ақпарат таратқандар Түркияның Қылмыстық кодексінің 206-бабына сәйкес 3 айдан екі жылға дейін бас бостандығынан айырылуы немесе айыппұл төлеуі мүмкін.Соңғы мәліметтер бойынша, Түркияда коронавирусқа шалдыққандар саны 309 790 адамнан асты.
