Бүгін Шымкент қаласы ішкі саясат және жастар ісі жөніндегі басқармасының ұжымы “Таза Қазақстан” республикалық экологиялық акциясының аясында жалпықалалық сенбілікке шықты. Акция барысында мекеме қызметкерлері қала көшелерінің бойындағы ирригациялық арықтар мен тұрғын үй аулаларын, жолдарды қоқыстан тазартты.
Сондай-ақ, мекеме мамандары белгіленген аумақты қоқыстан тазалап, жасыл желектердің айналасын ретке келтіріп, қаланың көркін арттыруға бағытталған жұмыстарды жасады. Іс-шара қоршаған ортаны қорғау мәдениетін қалыптастыру мен тұрғындар арасында экологиялық жауапкершілікті арттыруға бағытталған маңызды қадам болып табылады.
Аталған бағыттағы жұмыстар алдағы уақытта жалғасын табатын болады. Айта кетейік 20 қыркүйек күні елімізде World Cleanup Day – Дүниежүзілік тазалық күніне орай республикалық тазалық акциясы өтуде. Аталған шараға Шымкент қаласы да белсенділік танытуда.
#ТазаҚазақстан
