Тағайбаева Инеш Жұмабекқызы 1963 жылы 9 мамырда қазіргі Түркістан облысы Сауран ауданы, Абай ауылында дүниеге келген. 1980 жылы өзі туып өскен ауылындағы Абай атындағы жалпы білім беретін мектебін аяқтап, сол жылы білімін жетілдіру мақсатында Ташкент қаласындағы Политехникалық техникумда «Байланыс бөлімінің есепшісі» мамандығы бойынша білім алса, осыдан соң Қазақ-Ресей университетінде «Экономист» мамандығы бойынша білім алып шыққан. Еңбек жолын 1984 жылы «Қазпошта» АҚ Түркістан аудандық бөлімінде оператор мамандығынан бастап, 2000 жылы бас есепші қызметіне ауыстырылған. 2002 жылдан бүгінгі күнге дейін «Қазпошта» АҚ Түркістан облыстық филиалы операциялық басқармасының басшысы қызметін атқарып келеді. Кейіпкеріміздің ата-анасыда өздерінің саналы ғұмырын осы пошта қызметімен байланыстырған, бүгінде зейнетке шыққан пошта саласының құрметті ардагерлері. 40 жылдан астам жұмыс өтілі бар кейіпкеріміз қызмет барысында өзін білікті, іскер, тәжірибелі және талапшыл басшы ретінде, бұған қоса әрдайым өзіне тән принциптілік, табандылық және мақсаткерлік қасиеттерін көрсете білуде. Өзінің қызметінде бастамашыл, ұйымдастыру қабілеттері жоғары, білімі мен тәжірбиесін қызметте шебер қолдана біледі. Көп жылғы еңбегі үшін «Қазпошта» АҚ-ның және салалық кәсіподақтың төсбелгісі, Құрмет грамотасы мен Алғыс хаттарымен марапатталған.
Еңбек адамы – елдің құты
