Металлургтер күні мерекесінің қарсаңында Мемлекет басшысы Қасым-Жомарт Тоқаев отандық металлургия саласындағы жемісті еңбегі, еліміздің өнеркәсіптік және инфрақұрылымдық дамуына қосқан үлесі үшін жүздеген жұмысшыларды марапаттап, еңбек адамдарын құрметтеуге шақырған болатын.Осыған орай Түркістан облысында да еңбек адамына құрмет көрсетілді. Облыс әкімі Дархан Сатыбалды тәжірибелі металлург, Түркістан өңірінің дамуына үлес қосқан метталург Нұрлан Қадырәлиевке «Құрмет» орденін тапсырды.1965 жылы туған азамат Шымкент механикалық зауытында слесар әрі болат балқытушы болған. Қазір «KARLSKRONA LC AB» компаниясында бас болат балқытушы болып жұмыс істеп жүр. Жалпы еңбек өтілі 40 жылға жуықтаған.Облыс әкімі марапат иесіне Президентіміздің еңбек адамдарына құрмет көрсетудегі бастамалары туралы айта келе, Түркістан оболысын дамытуда метталургтердің де үлесі бар екенін жеткізді.Айта кетейік, Мемлекет басшысының Жарлығымен метталургия саласында істейтін 22 жұмысшы «Құрмет» орденінің кавалері атанды, 41 өнеркәсіп қызметкері ІІІ дәрежелі «Еңбек даңқы» орденінің, 51 адам «Ерен еңбегі үшін» медалінің иегері болды.Сонымен қатар 7 маман Қазақстан Республикасы Президентінің Құрмет грамотасын иеленді.
ЕҢБЕК АДАМЫНА ҚҰРМЕТ КӨРСЕТІЛДІ
