Azatmedia.kz. Кез-келген смартфон қолында жарылуы мүмкін. Жарылыс су, қатты соққы немесе ұзақ қуаттау әсерінен болады. Бұл туралы «Интеллектуальный Резерв» компаниясының директоры Павел Мясоедов «Прайм» агенттігіне берген сұхбатында айтты.
«Samsung смартфондары жиі жарылып кетеді. Тіпті сондай дүрбелең туып, компания Galaxy Note 7 моделін сатылымнан алып тастаған. Сонымен қатар, Apple өнімдерінің де жарылып кеткен фактілері кездескен. Тек iPhone ғана емес, iPad та бар ол қатарда», – дейді маман.
Мұндай жағдайдың алдын алу үшін смартфонның батереясына кері әсер ететін әрекеттерден аулақ болған жөн. Яғни құрылғы қызып кетпеуі керек, майыстыруға болмайды, сай келмейтін қуаттағышты қолданбаған дұрыс. Егер мұндай жағдай орын алса, батерея ісіп кетеді. Мұны байқаған бойда бірден ауыстыру керек.
