Кредиттік амнистия жасалады деген сарында әлеуметтік желілер мен мессенджерлерде тарап жатқан ақпарат шындыққа жанаспайды. Қазақстан Ұлттық Банкі азаматтар мен БАҚ өкілдерін тек ресми ақпарат көздеріне сүйенуге шақырады, деп хабарлайды Ұлттық банк сайты.
«Кредиттік амнистия жасалады деген сарында әлеуметтік желілер мен мессенджерлерде тарап жатқан ақпарат шындыққа жанаспайды. Қазақстан Ұлттық Банкі азаматтар мен БАҚ өкілдерін тек ресми ақпарат көздеріне сүйенуге шақырады. Қажет кеңес алу үшін 1477 қысқа нөмірі арқылы Қазақстан Ұлттық Банкінің Байланыс орталығына хабарласуға болады»,- делінген хабарламада. Айта кетейік, Алматыда кредиттік рақымшылық сұраған жұрт Қаржы нарығын реттеу және дамыту агенттігі ғимаратының алдына жиналды. Адамдар кредитті кешіру туралы өтініш жазып, жәшікке тастап жатыр. Артынан соның бәрі агенттікке табысталады.
