Павлодар облысының зейнеткерлері екпеден бас тартса, зейнетақыдан айырылады. Желіде осындай хабарлама желдей есуде, – деп хабарлайды zakon.kz.
Облыстық денсаулық сақтау басқармасындағылар екпеден бас тартуды зейнетақыдан айырумен байланыстыруға болмайды деп, бұл ақпаратты жоққа шығарды.
Бұл ақпарат шындыққа жанаспайды. Екпе ерікті түрде жүргізіледі, – деп хабарлады облыстық денсаулық сақтау басқармасы.
Басқармадағылар вакцина алуға мәжбүрлеу фактілерімен бетпе-бет келген азаматтарды мына нөмірге хабарласуды сұрайды: +7 705 447 52 52.
